Makemege devlet hainligiUkraina CQniñ 111. maddesiniñ 1. qısmı sebebinden Qırım “Federal cezalandıruv hızmeti”niñ reberine qarşı qabaatlayıcı akt yollandı. O 15 senege maküm etile bilir.
Resmiy Telegram kanalında Qırım MC ve Aqyar şeeri prokurorlığı bu aqqında haber berdi.
Taqiqatçılarnıñ bilgilerine köre, Qırım işğal etilgen soñ adam, antını hain etti ve “FCH”niñ bölükerinden biriniñ reberi oldı, birazdan bu işğal müessisesiniñ başı oldı.
Muhtariyet prokurorlığı, şübelengen adamnıñ adını bildirmedi, amma Suspilne Qırımnıñ menbaları tasdıqladılar ki, Vadım Bulgakov aqqında laf etemiz. 2016 senesi “işğalciler ögünde yararlıqlar içün” o, “içeri hızmetniñ general-mayorı” unvanını aldı”, - dep muhtariyet prokurorlığı qoştı.
“Silâlı çatışma şaraitinde duşmannıñ tarafına ketip, qabaatlanğan adam, ecnebiy ülkeniñ vekillerine Ukrainağa qarşı ücüm faaliyetini keçirmege yardım ete edi. Öz areketleri ve qararlarıneb RF işğal akimiyetiniñ yarımadada inkişafına yardım ete edi”, - dep bildirildi.
Telegram, Viber ve Facebookta Suspilne Qırım haberlerine abune oluñız
