Tibbiy teşkerüv ve tibbiy vesiqalarnıñ neticelerine köre mustaqil ekspertiza kösterdi ki, rus apishanesinde sol qulağına eşitme qabiliyetini coyğan qırım içtimaiy jurnalisti İrına Danılovıçnıñ nevrologiya bozmaları ve baş miy yanğısı bar ve qalp krizini yaşağan.
Mustaqil mütehassıslarnıñ neticelerine köre ZMINA uquq qorçalayıcı teşkilâtı, bu aqqında haber berdi.
Olar, işğal etilgen Qırımda imayeciler ve advokatlarnıñ yardımınen Kreml esirine yapılğan tibbiy teşkerüv ve vesiqalarnı talil ettiler. O, Rusiyedeki Stavropol kraynıñ Zelenokumsktaki müstemlekege etap etilgen soñ jurnalistniñ aqrabaları, maqbul vesiqalarnı ala bildiler.
Qırımda işğalciler, Danılovıçnı ihtiyac duyğanı tedaviylemege çoq kere red ettiler. Qadın, narazlıq bildirmek maqsadınen tek açlıq başlağan soñ oña kerekli tibbiy teşkerüv keçirmege söz berdiler. Amma onıñ ana-babası qayd ettiler ki, oña tibbiy yardım tolu şekilde etmediler.
Bundan ğayrı, RF toprağına etap etilgen soñ onıñ bütün ilâçlarını alıp çıqardılar, apishane hastahanesi onıñ çoq şikâyetke cevap berdi ki, Danılovıç eşitme qabiliyetini tamamınen coyağan soñ ağrı olmaycaq. Media haberni Bergen ve uquq imayecilerniñ arizalarından soñ Kreml esirine yerli hastahanede ekimin ketirdiler. O ayttı ki, Danılovıç hastahenege yatmalı, amma memuriyet, bu bildirüvge iç bir şey yapmadı.
Physicians for Human Rights uquq qorçalayıcı teşkilâtınıñ teklif etkeni tibbiyetçiler, epis etiklgeniñ tibbiy kartı, hastalar tarihı ve araştırmalarını ekspertiza ettiler. Amma şu anda tibbiy teşkerüvlerde qayd etilgen bilgilerniñ aqiqatlığını tasdıqlamaq mümkün degil.
Qulaq ekimi ve nevrolog ekiminiñ neticelerine köre, Danılovıçnıñ tek keskin otiti yoq, onıñ nevrolog bozmaları ve baş miy yanğısı da bar. Olar, 2023 senesi çiçek ayında Aqmescitteki ekimniñ yazğanı vesiqalarğa köre diagnozını, şu cümleden yaşağanı keskin otit neticesinde tığız qulaqlıqnı talil ettiler.
Mütehassısnıñ qıymetlendirmesine köre, diagnoz berilgen soñ tedaviylev berildi, amma onıñ semereligi qayd etilmedi ve qoşma teşekerüvler yapılmadı.
"Bütün allarda diagnoz yazılğan tamam soñ beklemeyip, tedaviylev berildi. Amma tedaviylev müddeti bitken soñ tedaviylevniñ semereligini qıymetlendirmek ve mümkün olacaq tedaviylevni devam ettirmek maqsadınen daa bir teşkerüv keçirilmedi", – dep qulaq ekimi qayd etti.
Onıñ sözlerine köre, tafsilâtlı MRT talili ve nevrolognıñ mesleatından soñ tedaviylev shemasını yañıdan baqmaq kerek, çünki Danılovıç, muntazam baş ağrısı, bayılmalarğa çoq kere şikâyet etti, Qırımda makeme oturışlarına ketkende çoq kere de bayıldı.
Kreml esiriniñ vesiqalarında nevrolog diagnozı yoq, tek MRT teşkerüviniñ neticesi bar: "baş miyde bir mahsus olmağan, ola bilgen qan damarı genezi yanğıları". Bu, miydeki bozmalar ya da patologiyalar sebebinden peyda ola bilgen, şu cümleden o, qalp krizini yaşaya bilgen. Amma qırım ekimleri, patologiya sebeplerini tesbit ete bilgen qoşma teşkerüvlerini keçirmediler.
Mustaqil mevrolog tüşüne ki, qırım ekimleriniñ çiçek ayınıñ 18-indeki neticelerinde ve bir afta soñ yapılğan MRT araştırmasınıñ neticelerinde müşteriniñ nevrolog şikâyetleri aqqında malümat deyerli yoq. Olarnıñ neticelerind baş miyniñ beyaz maddesiniñ bozulma boşluğı tapıldı.
"DWI ve ADC fotolarında tür yazılmadı ve yapıp yapmağanını añlamaq zor, bunıñ içün biz, bozma vaqtı aqqında netice yapılamaz. Bozma yeri de ("baş miyniñ beyaz maddesi"nden ğayrı) yazılmadı. Mümkün olğan etiologiya, fan damarı olaraq yazıldı. Qoşma bir patalogiyanıñ köstergiçi yoq eken", – dep öz neticesinde mütehassıs ayttı.
Bundan ğayrı, o tafsilâtlıca añlattı ki, daa bir qalp krizi telükesini azlaştırmaq içün avropa ve amerika tedaviylev usullarında aspirin ve atorvastatın qullanılır. Qırım nevrolog, bu ilâçlarnı Danılovıçqa yazmadı.
Aynı zamanda uquq imayeciler tüşüneler ki, boş ayda tapılmağan ve tedaviylenmegen keskin otit, tedaviylememege qarar bergenleri muntazam otitke çevirildi.
ZMINAnıñ yazğanına köre, 2022 senesi boş aydan 2023 senesi çiçek ayına qadar Amescitteki SİZOnıñ tibbiy qısmınıñ başı İhor Tsarkov, onıñ diagnozı ve tedaviylemesi içün cevapkâr edi. Onıñ areketsizligine şikâyetlerni körmemezlikke urmağanı içün Qırım FSVPninñ tibbiy qısmınıñ reberi Pavlo Pavlenko cevapkâr edi.
Bundan ğayrı, esir etilgen qadınnı azapqanı içün izolâtornıñ reberi Viktor Harçenko ve Qırımdaki bütün ceza müessiselerini idare etken onıñ vastasız reberi Vadım Bulhakov cevapkâr ediler. O, imayecilerniñ Danılovıç içün tibbiy yardım kerekligi aqqında bütün hitaplarını körmemezlikke urdı. Bundan ğayrı, "makemeci" Nataliye Kılinska, jurnalistni tibbiy teşkermege ketirme izni uzun zamandır bermey edi.
İrına Danılovıç aqqında ne bilemiz
- Çiçek ayınıñ 29-ında vaqtınca işğal etilgen Qırımda İrına Danılovıç, işten evge qaytqanda ğayıp oldı. Aynı kün işğal quvetçileri, ana-babasınen beraber yaşağanı Kefe yanındaki Oy Quyu köyündeki evini tinttiler, onıñ cep telefonı ve tehnikasını alıp çıqardılar.
- Bir qaç ay devamında tibbiy yardımcı talep etken vaqıt devamında saban ayınıñ 21-inde o, açlıq başlattı — izolâtorda onıñ sağlığı pek zayıflaştı, ayrıca keçken senenin soñunda üküm alğan soñ.
- Vaqtınca işğal etilgen Qırımda qanunsız maküm etilgen ve Aqmescitteki SİZOda quru açlı ilân etken içtimaiy jurnalist İrına Danılovıçnıñ babası Bronıslav Danılovıç, onıñ sağlıq alını añlattı.
- Danılovıçnıñ cinaiy davasınıñ bilgilerinen tanış olmağa bitirmesi içün qanunsız "Kefe şeer makemesi"ne ketkende bayıldı. Bundan ğayrı, azaplar sebebinden o, açlıq başlamağa qarar berdi.
- Çiçek ayınıñ 6-sında jurnalist, açlıq bitirdi. Onı teşkermek ve tedaviylemek içün yaqın kelecekte Aqmescitteki SİZOdan ketirmege söz berdiler.
- Bozarğan aynıñ 29-sinde işğal Qırım Yuqarı makemesi, bundan evel patlayıcı aletni saqlağanı içün yedi senege maküm etilgen jurnalist ve faalci İrına Danılovıçnıñ ükümini deñiştirdi. Apellâtsiya müessisesiniñ qararına mücibi ceza müddeti, bir ayğa azlaştı.
Telegram, Viber ve Facebookta Suspilne Qırım haberlerine abune oluñız
