Bugün ekim ayınıñ 2-sinde RF Apellâtsiya arbiy makemesinde siyasiy mabüs İsmet İbrahimovnıñ ükümine şikâyet arizası baqıldı. Bundan evel Cenübiy bölge arbiy makemesi onı 19 senege maküm etti.
Advokat Emil Qurbedinov, Qırım birdemligine bu aqqında haber berdi.
Uquq qorçalayıcı qayd etti ki, rusiye makemesi, tek davasından makeme oturışındaki ana-babasınıñ soratuvı aqqında malümat çıqarıp, qırımtatarnıñ ükümini deñiştirmedi.
"İsmet İbrahimov özü, tamam ükümde qayd etilgen bilgilerden ana-babasınıñ soratuvı aqqında malümatnı çıqarğanlarına diqqat etti. Faqat makeme oturışında olarnı sorattılar. Bu vaqia, bu tür ükümlerniñ nasıl çıqarılğanını kösterir", — dep Qurbedinov qayd etti.
Soñ sözlerinde siyasiy mabüs ayttı ki, nazar noqtaları ve din içün faal insanlarnı taqip etmek maqsadınen onıñ sahte davası açıldı.
"Bu, qırımtatarlarğa qarşı repressiyalardır", — dep İsmet Ibrahimov qayd etti.
Telegram, Viber ve Facebookta Suspilne Qırım haberlerine abune oluñız
