İşğal etilgen Keriç şeerinde FSB işçileri, "devlet hainligi" içün yerli sakinni tuttılar. O, İBİniñ ilçilerinen öz başına sanki bağlandı ve emirlerine köre, işğalcilerniñ Qırımdaki Ukraina tarafına arbiy tehnikasınıñ ketmeleriniñ videoları ve fotolarını çıqarğan.
Rusiye FSBniñ matbuat hızmeti, bu aqqında haber berdi.
Şu anda 45 yaşındaki adam epis etildi. RF CQniñ 275. maddesine ("Cesuslıq şeklinde devlet hainligi") mücibi oña qarşı cinaiy dava açıldı.
"Taqiqatçılar"nıñ ögrengenlerine köre tutulğan adam, qapalı alâqa kanalları vastasınen rus arbiy tehnikasınıñ ketmeleriniñ fotoları ve videolarını yollağan edi.
"Bundan ğayrı, tutulğan adam, istihbarat malümatını ve Rusiye Federatsiyasınıñ telükesizligine qarşı qullanıla bilecek malümatnı toplamaq içün ukrain mahsus hızmetleriniñ qullanğanları internet messecerlerniñ çat-botlarına yollağan edi", – dep bildirildi.
Telegram, Viber ve Facebookta Suspilne Qırım haberlerine abune oluñız
