Berim ayınıñ 28-iniñ aqşamından berim ayınıñ 29-ınıñ sabasına qadar yañıdan quruv işleri sebebinden maşnalar içün Qırım köprü tamamınen qapatılacaqtır.
Telegramda Qırım köprüne maşna yollarındaki vaziyet ve baqıluvğa azırlamalar aqqında maşna yolları malümat merkezi, bu aqqında haber berdi.
"Yañıdan quruv işleri sebebinden berim ayınıñ 28-inde Qırım köprüne maşna yollarında 21:00den berim ayınıñ 29-ınıñ sabasına 06:00ğa qadar köprüniñ maşna yolları qısmı tamamınen qapatılacaqtır", - dep bildirldi.
Oraq ayınıñ 17-sindeki Qırım köpründe patlamalar aqqında ne bilemiz
- Oraq ayınıñ 17-siniñ gecesi Qırım köpründe patlamalar duyuldı. Bir sektsiyası viran etildi, daa biri bozuldı. Belhorod gubernatorı Hladkov bildirdi ki, köpürde o bölgeden kelgen adam ve qadın öldiler, olarnıñ qızı yaralandı.
- Suspilneniñ uquq qorçlayıcı organlarındaki mebusları haber berdiler ki, Qırım köprüne ücüm, UTH ve ADQniñ mahsus operatsiyasıdır. Olar bildirdiler ki, Qırım köpründe "pamuq"nıñ patmalaazırlanmasına dair bütün bilgiler "Ğalebe soñ açıqlanacaqtır".
- Berim ayınıñ başında ruslar, Qırım köprüniñ mudafaasını FSB sıñır hızmetiniñ gemileri vastasınen pekittiler, şu cümleden şimdi rus mahsus hizmetiniñ altı kateri ve beş gemisi onı qorçalaylar.
- Berim ayınıñ 6-sında işğalciler, Qırım köprüniñ bozulğan bünyesini deñiştirdiler.
- Berim ayınıñ 14-ünde işğalciler, oraq ayınıñ 17-sinde bozulğan köpürniñ sol tarafında maşna yolunı açtılar.
Telegram, Viber ve Facebookta Suspilne Qırım haberlerine abune oluñız
