İşğalciler, Aqyar şeeriniñ 21 yaşındaki sakinine qarşı rusiye bayrağını aramlaması içün cinaiy dava açtılar.
Şeerniñ işğal politsiyasınıñ matbuat hızmeti bu aqqında haber berdi.
Rus quvetçileriniñ bilgilerine köre, Kornilov eykeli yanında tutulğan adam, Rusiye bayrağını ayağınen türtti. Bundan ğayrı, "halq ögünde MAOnıñ keçirilmesine narazlığını bildirdi", RFnı cenkni başlatqanı içün qabaatladı, Qırım yarımadasınıñ ise Ukrainanıñ toprağı olğanını ayttı.
Azaları cenkke qarşı çıqqan insanlarnı taqip etken "Krımskıy SMERŞ" Telegram kanalında oğlannen bir video yayınlandı. Anda o, yapqanı şeyler içün afu soray.
PVK "Vagner"niñ rerbeleri Yevhen Prıhojın ve Dmıtro Utkinge kütleviy memeroialnıñ qoyulğanı işğal etilgen Aqmescitteki Kornilov eykeli yanında bu vaqia oldı. Eykel ögünde olarnıñ fotoresmleri ve Rusiye bayrağı bar.
Telegram, Viber ve Facebookta Suspilne Qırım haberlerine abune oluñız
