Amerika iş adamı İlon Mask bildirdi ki, Ukrainanıñ Qırımda rus flotunı ücüm etmesine mania olmaq içün Starlink yoldaş ağını çıqarmadı. Masknıñ sözlerine köre, Starlink deaktiv olunmağan, sistema öz başına Ukrainanıñ Aqyarğa bütün yolda "Starlink"ni faalleştirme soratmasını red etken.
(Sabıq Twitter) X içtimaiy ağında Mask bu aqqında yazdı.
"Laf etilgen Starlink bölgeleri faalleştirilmedi. SpaceX iç bir şey deaktiv etmedi", — dep bildirildi.
Dercni tefsir etkende milliardcı bunı qoştı: "Ükümet organlarınıñ Aqyarğa bütün yolda "Starlink"ni faalleştirme acele soratması keldi. Lenger taşlağan bütüb rus flotunıñ çoqusını suvğa boğma niyeti, açıq aydın edi. Olarnıñ soratmasını qabul etse edim, SpaceX büyük cenk aktı ve çatışmanıñ eskalatsiyası ceryanınıñ iştirakçisi olur edim".
Bundan ğayrı, İlon Mask hatırlattı ki, "sıñırları deyerli deñişmegen kiçik topraqlarnı zapt etmek ve coymaq içün er kün daa çoq ukrain ve rus yaş insanı öleler".
"Bu, olarnıñ ayatlarınıñ degeri yoq", — dep Mask bildirdi.
Hatırlatamız ki, Volter Ayzeksonnıñ Mask aqqında tercimeail kitabına atıf eterek, keçenlerde CNN bildirdi ki, Ukrainağa rus flotunı ücüm etmege mania olmaq içün İlon Mask müendislerni yoldaş ağını çıqarmağa gizlice mecbur etti.
Telegram, Viber ve Facebookta Suspilne Qırım haberlerine abune oluñız
