İşğal akimiyeti, Qırımtatar Milliy Meclisiniñ saip olğanı Aqmescitteki binanı Alemdar Karamanov adına 2. Aqmescit muzıka mektebine berdi.
Aqmescit işğal memuriyetine atıf eterek "Qırıminform" bu aqqında haber berdi.
İşğalciler bildirdiler ki, mezkür binanı tamir etmek te kerek.
Hatırlatamız ki, 2023 senesi qurulayda Qırım işğal mebusları, ukrainalılarnıñ saip olğanları yarımadadaki obyektlerni "milliyleştirmek" içün rey berdiler. Cedvelge Qırımtatar Milliy Meclisiniñ işğal etilgen Aqmescitteki Şmıdt soqağındaki binası da kirsetildi.
2016 senesi Qırımtatar Milliy Meclisi, aşırıcı bir teşkilât olaraq tanındı ve Rusiyede onıñ faaliyeti yasaqlandı.
Telegram, Viber ve Facebookta Suspilne Qırım haberlerine abune oluñız
