Herson vilâyetiniñ RF tarafından işğal etilgen topraqlarında rus quvetçileri, "Noman Çelebicihan adına qırımtatar batalyonı"na ait olmaqta qabaatlanğan insannı tuttılar. 50 yaşındaki ukrainalı, Qırımnıñ energetika ve suv qurşavında sanki iştirak etti.
Herson vilâyetiniñ vaqtınca işğal etilgen topraqlarındaki UFSBğa atıf eterek, TARS bu aqqında haber berdi.
İşğalciler ayttılar ki, 2014 senesinden berli adam, batalyonnıñ faal iştirakçisi edi.
"Bundan ğayrı, "Qırımtatar Milliy Meclisi" aşırıcılıq teşkilâtınıñ başı olaraq, batalyonnıñ qanunsız faaliyetinde iştirak etmeleri içün tutulğan adam azalarını saylay ve çağıra edi, yarımadanıñ qurşavılması içün qullanılğan Herson vilâyetindeki bazasını donatmaq içün maddiy ve para vastalarını bedava olaraq bere edi", – dep bildirildi.
Telegram, Viber ve Facebookta Suspilne Qırım haberlerine abune oluñız
