Qırımda UFSBniñ taqiat bölüginiñ ayrıca müim işler baş taqiqatçısı Vitaliy Vlasov, siyasiy mabüs Abdulmecit Seitumerovnıñ ana-babasına ve apayına onen 2. SİZOda körmege red etti.
"Qırım birdemligi" bu aqqında haber berdi.
Bildirildi ki, arman ayınıñ 29-ında Şukra, Lilâ ve Amine Seitumerovğa körüüşüv arizalarını yolladılar — arasında aqrabaları olğan altı faalci tutulğan beş kün soñ.
Olarğa Abdulmecitnen körüşmege red ettiler. FSB taqiqatçısı olarğa aynı cevap berdi. O qayd etti ki, aileniñ ricası "baqıldı ve [oña köre] rica qanaatlendirmege tamamınen red etmege qara berildi".
Abdulmecit Seitumerovnıñ tutulması aqqında ne bilemiz
- Arman ayınıñ 24-ünde saba saat dörtte Qırımnıñ Bağçasaray şeerinde ve Bağçasaray rayonında işğal quvetçileri, qırımtatarlarnıñ evlerini tintmege keldiler.
- Qırım FSB işçileri, RF CQniñ 205.5. maddesine mücibi altı insannı tuttılar. Tutulğan er kes — "Qırım birdemligi" faalcisidir. Olar aralarında Abdulmecit Seitumerov bar edi. O, 2020 senesi saban ayında Bağçasarayda tutulğan, 14 ve 17 senege maküm etilgen eki qırımtatar siyasiy mabüsiniñ doğmuş ağasıdır.
- Ertesi künü Aqmescitteki işgal Kıyiv rayon makemesinde Abdulmecit Seitumerovğa ekim ayınıñ 23-üne qadar Aqmescitteki 2. SİZOda tutma tedbirini berdiler.
