İşğal etilgen Qırımnıñ dağlı yerlerinde birinci qar boş ayı 7-de yağdı.Aluşta yanında aqşam yolnı buz qaplap aldı. Aqmescitte de sılaq qar yağdı.
Rusiye tarafdarı yerli neşirler haber ettiler ve öz içtimaiy ağlarında şaatlarnıñ videoroliklerini bu aqqında derc ettiler.
Harkiv vilâyet gidrometeorologiya merkezinden ukrain sinoptiki İğor Kibalçiç de boş ayı 7-de Qırımda qar yağacağı aqqında haber berdi.
«Ukrayinanıñ cenübiy qısmında, em de Qırımda, suvuq frontnıñ tesiri altında, kündüz dım qarğa keçüvnen yengil yağmur yağacaq. Şimaliy yel, 7-12 m/s, kündüz yerlerde yel esmek, 15-20 m/s. +2...+7 °S içinde deñişeler», — o dedi.
Sinoptik boş aynıñ 8-de Ukrayinanıñ cenübiy regionlarında, şu cümleden Qırım yarımadasında yağmursız olacağını bildire.
«El esasen şimaliy-ğarptan, 3-8 m/s olacaq. Avanıñ arareti geceleri -3...-2 °S, kündüzleri +4...+9 °S olacaq», — dep Kibalçiç qayd etti.
Hatırlatamız ki, işğal etilgen Qırımda Yalta rayonınıñ Aluşta şeerinde elektrik setine yükniñ artması ve mevcut quvetniñ olmaması sebebinden ventilâtor şekilinde elektrik kesüvleri kirsetildi. Sevastopolda de elektrik energiyasınen teminlevni muvaqqat sıñırlav rejimi kirsetildi — «2-den 6-ğace» cedveli çalışmaqta.
«Qırımenergo» işğali haber etti ki, meskenlerge elektrik energiyası ağnıñ tehnikiy imkânlarını esapqa alıp berile, sıñırlav cedvelleri ise vaqtınca çalışmay. Aynı vaqıtta içtimaiy emiyetke malik obyektlerniñ elektrik energiyasınen teminlenmesi, işğal müessiseleri aytqanlarına köre, teminlene.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız


