Ukrayina Mudafaa Quvetleriniñ bölükleri Qırımnıñ Ğvardiyske rayonında Rusiye ücüm etivi dronlarını saqlav, azırlav ve uçuruv yerine zarar ketirdi.
USQUkrayina Silâlı quvetleriniñ Baş Ştabı bunı bildirdi.
Ücüm boş aynıñ 4-nde ve 5-ne keçer gecesi etildi. Ukrayin arbiy hızmetçileriniñ malümatına köre, Rusiye ordusı bu yerlerden ukrayin şeerlerine ve tınç astyapığa ücümler içün ücüm etici dronlarnı uçura. Bu obyektlerniñ ve dron anbarlarınıñ zarar körmesi RFnıñ böyle ücümler yapmaq imkânlarını azaltmaq kerek.
Bundan başqa Mudafaa Quvetleri Luğansk vilâyetiniñ Dontsivka rayonında Rusiye ordusınıñ mobil ateş gruppasına ve Zaporijjâ vilâyetinde Melitopol yanında UUA anbarına zarar ketirdi.
Bundan ğayrı, Donetsk vilâyetiniñ Novoazovsk rayonındaki silâ anbarı ve Progres yanındaki madde-tehnik vastalar anbarı ateş altına tüştiler. Rusiye bölüklerniñ tamir-tikleme bölükleri Donetsk vilâyetiniñ Talakivka rayonında ve Luğansk vilâyetiniñ Nijnâ Duvanka rayonında zarar kördi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
