Boş aynıñ 2-nda işğal etilgen Qırımda tamir işleri sebebinden üç rayonda elektrik teminatı qısmen sıñırlandı.
«Krımenergo» işğalli müessisesi bunı bildirdi, dep yazdı RİA Novosti Krım.
«Krımenergo» malümatına köre, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Qurman ve Bağçasaray rayonlarında elektrikler qısmen söndürildi. Sıñırlavlar tahminen saat 17:00-ge qadar planlaştırıla.
Boş aynıñ 2-nde saba maalinde Sevastopolda (Aqyarda) «altı saatten eki saatke» vaqtınca elektrik teminat sıñırlanması cedveli kirsetildi. İşğalli «Sevastopolenergo»nıñ malümatına köre, elektrik energiyası qullanıcılarınıñ dört nevbetinden birine eki saat devamında berile, qalğan üç nevbet ise elektriksiz qala.
İşğalli müessise sıñırlavlarnı Sevastopol (Aqyar) tışında elektrik ağlarınıñ aşırı yüklenüvini yoq etmek ve energetik sistemasında qazalarnı toqtatmaq kerekligi ile añlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
