Rejissör Ahtem Seitablayev «Qahramanlarnıñ Balaları» hayriye fondunıñ elçisi oldı. O, cemiyetniñ diqqatını Qahramanlarnıñ balalarınıñ ihtiyaclarına celp etmege yardım etecek, fondnıñ hayriye teşebbüslerinde ve leyhalarında iştirak etecek ve balalarnen şahsen körüşecek.
Fondnıñ sayfasında bu aqqında malümat berildi. Suspilne Qırımğa bergen tefsirinde Seitablayev mümkün olğan er türlü usulnen yardım etecegini ayttı.
««Qahramanlarnıñ Balaları» hayriye fondunıñ elçisi olmaq — bu, ilk evelâ, mesuliyettir. Menim elimde olğan bütün vastalarnen imkân ölçüsinde iştirak etecegim. Ya çıqaruv maydançığına davet, ya da umumiy masat içün — öz ayatını, eñ qıymetli şeyni, öz balaları içün ve bizim balalarımız içün bergenlerniñ balalarına yardım etmek içün — lâqayt olmağan insanlarnı orta faaliyetke çağıruv ve işdeşlik, çünki olar bizim em bugünimiz, em de kelecegimizdir», — dey o.
Aktörniñ sözlerine köre, balalarğa eñ aziz insanlarnı qaytarmaq mümkün degil, amma olar öz ğayıpları ile öz başına qalmasınlar dep er şeyni yapmaq mümkün.
«Qahramanlarnıñ Balaları» hayriye fondu 2022 senesi quruldı, cenk sebebinden ana-babasını coyğan balalarğa uzun müddetli yardım — maddiy, ruhiy, tasil ve ictimaiy yardım — temin etip, olarnı destek ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
