Dört Ukrayina vatandaşına işğal etilgen Qırımda Rusiye Federatsiyası Devlet Dumasına qanunsız teşkil etilgen saylavlarda iştirak etkeni içün şübe bildirdiler. Tahqiqatnıñ malümatına köre, olar «Yedinaya Rossiya» firqasından saylavğa çıqqanlar, saylav kampaniyasını keçirgenler ve 2026 senesi ilk küz ayında saylavlardan soñ «mebus» statusını alğanlar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqatnıñ malümatına köre, dört Ukrayina vatandaşı «Yedinaya Rossiya» firqasınıñ Rusiye Devlet duması mebusına namzet olaraq qayd etildi. Saylav kampaniyası devamında olar Qırım sakinlerini qanunsız rey berüvde iştirak etmege çağıra ediler.
2026 senesi ilk küz ayında şebelengenler resmen «Rusiye parlamentiniñ mebusları» statusını alıp, öz vazifelerini eda etmege başladılar.
Dört vatandaşnıñ areketleri işbirlik faaliyetini tasdıqladı. Olarğa 10 yılğa qadar apis cezası üküm etile bile.
Prokurorlıqnıñ malümatına köre, dört insan Qırım işğal etilgen soñ Rusiye ile duşmannen işbirlikUkrayina Cinaiy qanunnamesiniñ 111-1-nci maddesiniñ 5-nci qısmı yapqanı içün Ukrayina ve halqara sanktsiyalarğa oğratıldı.
Daa evel bu maddege istinaden Rusiye Federatsiyası Devlet Dumasına ve işğalli Qırım Devlet şurasına qanunsız saylavlarda iştirak etken 15 insanğa şübe bildirildi.
Suspilne Qırımğa uquq qorçalayıcı organlardan menbalar anonim şeklinde bildirdi ki, söz Leonid Babaşov, Yuriy Nesterenko, Yanina Pavlenko ve Tetâna Lobaç aqqında kete.
Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme qararınen belgilenmegence, cinaiy cezanı çekip olamay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
