İşğal etilgen Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 25 yaşındaki sakini Rusiye prokurorlığı «terrorizmni aqlav» ve «milliy sebepler ile zorbalıqqa çağıruv» olaraq tanığan içtimaiy ağlardaki tefsirleri içün mahkeme etilecek.
İşğalli Qırım prokurorlığı bunı bildirdi.
Rusiye tahqiqatınıñ versiyasına köre, 2024 senesi küzde adam içtimaiy ağlardan birinde «Rusiye toprağında terroristik aktlarnı kerçekleştirmege aqlağan» izaatlarnı yerleştirdi.
Bundan da ğayrı, 2026 senesi ilk yaz ayında, qabaatlayıcı taraf aytqanı kibi, o, «milliy mensüp olğan insanlar gruppasına qarşı zorbalıq areketlerine çağıruvlar»nı derc etti.
Yarımadanıñ işğalli prokurorlığı davanı Cenübiy bölge arbiy mahkemesine bergenini bildirdi.
2026 senesiniñ başından işğal etilgen Qırımda eñ az 28 insan «devlet hainligi», «terroristik faaliyet», «patlayıcı maddelerniñ qanunsız satın aluvı, saqlavı, taşıması ve yanına alması» maddelerine istinaden qanunsız şekilde mahküm etildi, dep tarif etti Suspilne Qırımğa Qırım uquq qorçalayıcı gruppasınıñ reisi Olğa Skrıpnık.
Rusiye, VİETvaqtınca işğal etilgen topraqlarda Ukrayina vatandaşlarını «terrorizm», «aşırıclıq», «casuslıq» ve «devlet hainligi» qabaatlavlarını qullanıp, muntazam surette taqip ete, dep bildirdi QRMniñ idarecisi Zarema Bariyeva. Onıñ aytqanına köre, tutuqan soñ ukrayinlerni Rusiyeniñ «aşırıcılar ve terroristler» cedveline kirsete bileler, bunıñ ise olarnıñ qorantaları içün de menfiy aqibeti ola bilir. Zulumğa oğrağanlar arasında tek erkekler degil de, qadınlar, gençler ve 75-78 yaşındaki insanlar bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
