Ukrayin uquq qorçalayıcıları Qırımdan daa 11 işğalli mahkemecige devlet hainliginde şübe bildirdiler. Şu cümleden, «apellâtsiya mahkemesi»nden, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ üç «mahkemesi»nden.
Orta küz ayınıñ 16-nda Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığınıñ saytında bunı bildirdiler.
«Qırım MC ve Sevastopol (Aqyar — terciman) şeeri prokurorlığınıñ prosessual yolbaşçılığı altında, Qırımnıñ zapt etilgeni vaqtında işğalli akimiyet tarafına keçken 11 mahkemecige şübe bildirildi. Olar arasında — Apellâtsiya mahkemesiniñ, Yevpatoriya (Kezlev — terciman) şeer ve Saq şeer-rayon mahkemeleriniñ, em de Simferopol (Aqmescit — terciman) şeeriniñ Zaliznıçnıy, Kıyiv ve Tsentralnıy rayon mahkemeleriniñ mahkemecileri bar», — dep qayd etildi haberde.
Taqiqatnıñ malümatına köre, 2014 senesi şübelengenler, ukrayin halqına sadaqat andını bozıp, RFnıñ Qırımdaki qanunsız teşkil etilgen mahkeme akimiyeti organlarında çalışmağa devam ettiler.
«Şu cümleden, işğalli Yuqarı mahkemede, Qırım Cumhuriyetiniñ Yevpatoriya (Kezlev — terciman) ve Saq rayon mahkemelerinde, şeni de Simferopolnıñ (Aqmescitniñ — treciman) rayon mahkemelerinde vazife aldılar. Daa bir şübelengen qadın Sudaq mahkeme rayonınıñ sözde «barışıq mahkemecisi» oldı. İstilâcı devlet adından ve onıñ menfaatlerinde qararlar qabul etip, olar Qırımda çalışqan ukrayin mahkeme sistemasınıñ Rusiye qanunnamesi boyunca adalet yürütmege keçmesine yardım ettiler. Böylece şübelengenler RFa devletimizge qarşı zararlı faaliyet yürütmekte yardım ettiler», — dep bildirdi prokurorlıq.
Olarnıñ areketlerini ukrayin uquq qorçalayıcıları Ukrayina CQniñ 111-nci maddesiniñ 1-nci qısmı — devlet hainligi — olaraq tasnif ettiler. Maddeniñ sanktsiyası 15 senege qadar apis cezasını közde tuta.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
