Qırım prokurorlığı «Qırım öz-özüni mudafaa etüvi» qanunsız silâlı birleşmesiniñ 10-ncı bölüginiñ sabıq komandanına şübe bildirdi. Tahqiqatnıñ malümatına köre, 2014 senesi o, Rusiye arbiy hızmetçilerine yarımadanı işğal etmege yardım etti.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokurorlığı bu aqqında haber etti.
«Taqiqat malümatına köre, 2014 senesi kiçik ayda Qırım sakini "Qırım öz-özüni mudafaa etüvi" qanunsız silâlı birleşmesiniñ 10-ncı bölüginiñ yolbaşçısı edi. Şübelengen, Qırımdaki Rusiyege qoltutqan quvetlerniñ mitinglerini qorçalav ve memuriy binalarnı zapt etüv boyunca askerlerniñ areketleriniñ umumiy planlaması ve idaresinen oğraşa edi. Hususan, "komandan" öz cenkçilerinen beraber Qırım MC Yuqarı Şurasınıñ binasını silâlı şekilde zapt etüvde iştirak etti, böylece Qırım mebuslarını Ukrayinanıñ topraq bütünliginiñ bozuluvına doğrultılğan qararlarnı qabul etmege mecbur etti», — dep qayd etildi haberde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
