Orta küz ayınıñ 5-nde aqşam maalinde işğal etilgen Qırımnıñ Bağçasaray rayonınıñ bir qaç meskün yerinde elektrik yoq oldı.
«Krımenergo» işğalli müessisesi MAX Rusiye devlet qullanmasında bunı bildirdi, dep haber etti «Vesti Krım» teşviqat neşiri.
«Tavriya MEAMMagistral elektrik ağları müessisesiniñ 110 — 35 kV ağlarındaki bozmalar sebebinden Bağçasaray rayonında, hususan Verhnesadove, Pıroğovka ve Frontove köylerinde, elektrik aqımı yoq», — dep qayd etildi haberde.
O qoştı ki, «tehnologik bozuluv» endi yoq etile.
Bundan evel orta küz ayınıñ 5-nde «Krımenergo» yarımadada elektrik energiyasınıñ kesilüvi devam etkenini bildirgen edi. Biloğirsk şeerinde ve rayonınıñ daa altı meskün yeri qaza neticesinde elektriksiz qaldı.
Daa evel USQniñ İnsansız sistemalar quvetleri «Qırım rubilniki off» operatsiyası çerçivesinde soñki on kün içinde işğal etilgen Qırımda 17 energetik obyektniñ zarar körgenini bildirdi. Umumen bu müddet içinde 44 obyekt uruldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
