İşğal etilgen Qırımda ekim ayınıñ 4-nde yarımada boyunca elektrik energiyasınıñ qullanuvı sıñırlandı. İşğalci «Qırımenergo»da, «tış tesirinden» eñ çoq zarar körgen rayonlarda elektrik energiyası ağnıñ imkânlarına köre berile, dep bildirdiler.
Ekim ayınıñ 4-nde işğalci «Qırımenergo» saytında bu aqqında haber etildi.
Yarımada boyunca elektrik energiyasınıñ qullanuvı sıñırlana. Elektrik naqil hatları ve (ya da) elektrik ağınıñ donatmaları tezden söndürildi, bu ise energetik rayonlarda olğan vaziyetke bağlıdır: tamir işleri içün/ağnıñ yüklenüvini yoq etmek içün. Tış tesirinden eñ çoq zarar körgen rayonlarda elektrik energiyası berilmesi elektrik ağınıñ imkânlarına bağlıdır. Elektrik energiyasınıñ yedek şebekeleri qullanıla, — dep haberde aytıla.
Hatırlatamız, işğal etilgen Qırımda, işğal MÇSiniñ malümatına köre, ava telükesi ekim ayınıñ 3-ü saat 15:37-den ekim ayınıñ 4-ü saat 09:34-ke qadar devam etti. Saat 21:35-te raketa telükesi ilân etildi, em de Aqyarda telüke ilân etildi.
«Qırım veter» monitoring resursınıñ malümatına köre, bu gece patlavlar «Gvardiya» ava limanında, Aqmescit, Yalta ve Mayıs birinci kününde oldı.
Rusiye Mudafaa nazirligi, Rusiye arbiy silâsı Qırım, Qara ve Azaq deñizleriniñ Aqyarı ve Rusiye regionları üzerinde 559 dronnı urdı, dep bildirdi.
Ukrayina tarafı bu malümat derc etilgende izaat bermedi.
Keriç tarafından Qırım köpründe saba Rusiyege çıqmaq içün tıqanıqlıq peyda oldı. Saat 8:00-ğa yaqın nevbette tahminen yüz maşina tura edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
