Birleşken Milletler Teşkilâtınıñ tamır halqlarınıñ aqları mahsus maruzacısı ile interaktiv subet vaqtında Ukrayina Yuqarı Şurasınıñ insan aqları vekâletlisi Dmıtro Lubinets vaqtınca işğal etilgen Qırımda vatandaşlarnıñ taqip etilüvi aqqında tarif etti.
Onıñ aytqanına köre, 2026 senesiniñ başından berli yarımadada 128 apis, 47 tutuluv vaqiası ve 139 adaletli mahkeme aqqı bozuluvı qayd etildi.
«Bu qanunsız tutuvlar, mecburiy pasportlar ve din serbestliginiñ sıñırlanması. Ruslarnıñ esirliginde bulunğan vatandaşlar arasında farqlı dinlerniñ ve fırqalarnıñ din erbapları ve papazları bar. Er bir insannıñ öz kimligini saqlamaq, dinini kütmek ve qorqmadan yaşamaq aqqı bar», — dep qayd etti ombudsman.
Lubinets, halqara toplulıqnı tamır halqları, milliy azlıqlar ve diniy cemiyetlerniñ taqip etilmesini toqtatmağa, halqara nezaret missiyalarınıñ vaqtınca işğal etilgen topraqlarğa maniasız irişimini temin etmege ve Rusiyeni insan aqları bozuluvı içün mesüliyetke çekmege çağırdı.
Hatırlatamız ki, 2025 senesi işğal etilgen Qırımda 244 apis qayd etildi, olardan 90-ı — qırımtatarlarğa qarşı etildi, dep haber etti qara qış ayınıñ 29-nda Qırımtatar resurs merkezi (QRM).
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
