Rusiye FSBFederal Havfsızlıq hızmeti işğal etilgen Qırımnıñ Canköy rayonında 34 yaşındaki sakinni tutqanını bildirdi. Onı «devlet hainligi»nde qabaatlay. Rusiye tahqiqatınıñ malümatına köre, o, UHHUkrayina Havfsızlıq hızmetie arbiy tehnikanıñ areket marşrutlarını ve arbiy obyekt aqqında malümat bere edi.
TASS Rusiye devlet agentligi bunı bildirdi.
«Qırım Cumhuriyetiniñ Canköy rayonında Federal havfsızlıq hızmeti 1992 senesi doğğan Rusiye vatandaşı devlet hainligi olaraq qanunsız faaliyetini toqtattı. Belli olğanı kibi, Telegram messenceriniñ yardımınen cinayetçi UHHniñ hadimi ile bağlanıp, onıñ vazifesine köre, arbiy mudafaa bölükleriniñ işini foto ve videoğa çeke, arbiy tehnika kolonnasınıñ koordinatları ve areket marşrutlarını, em de yarımadada Rusiye Silâlı quvetleriniñ obyektleriniñ bulunması aqqında malümatnı bere edi», — dep qayd etildi haberde.
Rusiye «quvetçileri» video nezareti aletleri, gizleyici aletler ve Ukrayina mahsus hızmetleriniñ kâtibi ile mektüpleşken bağ vastalarını tutıp alğanlarını bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
