Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Saq şeerlerindeki işğalli «arbiy komissarlıq»nıñ arbiy komissarına cenk cinayeti, devlet hainligi ve işbirlik faaliyetinde şübe bildirildi. Tahqiqatnıñ malümatına köre, o, işğal etilgen yarımada sakinlerini, hususan Ukrayina vatandaşlarını, Rusiye ordusına zorbalıqnen çağıra.
Orta küz ayınıñ 1-nde Qırım MC ve Sevasopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığınıñ saytında bu aqqında haber etildi.
«İşğal etilgen yarımada sakinleri arasında askerlikke çağıruv kampaniyasınıñ teşkil etilmesinde iştirak etken daa bir "arbiy komissar" tapıldı. Tahqiqatnıñ malümatına köre, adam yarımada zapt etilgen soñ duşmannen işbirlik tutmağa başladı. Başta "Yevpatoriya ve Saq şeerlerindeki arbiy komissariatlar"nıñ bölüklerinden birisini idare etip, yerli "askerlikke çağıruv komissiyası"nıñ erkânına kirdi. 2024 senesi "Yevpatoriya ve Saq şeerleriniñ, Saq rayonınıñ arbiy komissarı" vazifesini aldı», — dep qayd etildi haberde.
Açıq menbalardan alınğan malümatqa köre, Denıs Lıtvınenko aqqında söz yürsetile, o Vinnıtsâda doğdı.
Mahkeme taqiqatı devamında qabaatlav tarafı cinayetniñ delillerini ve zarar körgenlerniñ ifadelerini aldı.
«Arbiy komissar dep adlandırılğan şahısnıñ bugünge qadar Rusiyeniñ silâlı quvetlerine mecburiy celp etüv tedbirlerini idare etkeni belgilengen: askerlikke aluv planlarını azırlay, arbiy cedvelni temin ete, Ukrayina vatandaşlarını duşman ordusına sadıq olmağa mecbur etken vesiqalarnı imzalay. Tecavuzcığa işğal etilgen topraqnıñ vatandaş ealisini duşman devletiniñ silâlı quvetlerinde hızmet etmege mecbur etmek yasaq etile. Bu areketler halqara gumanitar uquqnıñ qaba bozuluvıdır», — dep qayd eteler uquq qorçalayıcılar.
Dava malümatlarında 2020 ve 2024 seneleri ukrayinlerniñ askerlikke çağırılması aqqında eñ az eki adisesi qayd etilgen edi. Bu vaziyette Lıtvınenko ukrayin gençlerine 18 yaşına kelgen soñ çağıruv vesiqalarını berdi ve imzaladı.
O, cenk cinayeti (Ukrayina Ceza qanunnamesiniñ 438-inci maddesiniñ 1-inci qısmı), devlet hainligi (Ukrayina Ceza qanunnamesiniñ 111-inci maddesiniñ 1-inci qısmı) ve işbirlik faaliyetinde (Ukrayina Ceza qanunnamesiniñ 111-1-inci maddesiniñ 7-inci qısmı) şübelenip, 15 yılğa qadar apis cezasını ve mal-mülkniñ musadere etilmesini bekley.
Prokurorlıqnıñ malümatına köre, 2014 senesinden başlap işğalciler yarımadada 20-den ziyade askerlikke aluv kampaniyasını keçirdiler, neticesinde tahminen 55 biñ adam Rusiye ordusına zorbalıqnen qoşuldı. Olarnıñ arasında Ukrayina vatandaşları bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
