Rusiye hakerleri «Qırımtatar resurs merkezi»niñ Instagram saifesini bozıp yoq ettiler. Bu, 2026 senesiniñ başından teşkilâtnıñ resurslarına yapılğan üçünci ücümdir.
«Qırımtatar resurs merkezi»niñ idare reisi Eskender Bariyev bunı bildirdi.
«Yañı bir yıl içinde QRMniñ resursları endi üçünci kere KillNet ve diger hakerler tarafından ciddiy kiber ücümlerge oğradı, olar tek Rusiye toprağından degil de, dünyanıñ çeşit köşelerinden ücüm eteler. Hatırlatam ki, KillNet — Rusiyege qoltutqan haker taqımı, devlet müessiselerine, kritik astyapı ve NATO azaları ve Ukrayinağa qoltutqan diger devletlerniñ saytlarına büyük DoS ücümlerini yapıp, keniş populârlıq qazandı», — dep yazdı o.
Merkez, «Instagram» saifesine kiriş yasaqlanğan vaqıt, bütün müim haberler, taliller ve ameliy yañartmalarnı alternativ platformalarımızda derc etecegini qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
