İşğal etilgen Qırımnıñ Simeiz köyüniñ sakini devlet hainliginde qabaatlanıp, 16 yılğa mahküm etildi.
Yarımadanıñ işğalli prokurorlığı bunı bildirdi.
Rusiye kontrolindeki müessiseniñ bildirgenine köre, adam Ukrayina Baş istihbarat idaresiniñ vekili ile bağ tuttı.
«Qabaatlayıcınıñ versiyasına köre, Sevastopoldan (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addan — terciman) kelgen yolda o, telefon kamerası ile Rusiye Qara deñiz flotunıñ arbiy gemilerinden birisini fotoğa çıqardı. Bütün toplanğan malümat çetel devletniñ temsilcisine messencerlerden biri vastasınen yetkizildi», — dep qayd etildi haberde.
Hatırlatamız ki, bugün, ilk küz ayınıñ 30-nda, işğalli prokurotlıq Sevastopol (Aqyar) sakininiñ davası Qırım Yuqarı mahkemesine berilgeni aqqında bildirdi.
Rusiye tahqiqatınıñ versiyasına köre, adam Ukrauina Devlet hızmetiniñ vekiline Rusiye Qara deñiz flotunıñ bölüginiñ bulunğan yeri aqqında malümat berdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
