Rusiye quvetçileri tarafından devlet hainliginde qabaatlanğan işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakininiñ davası Qırım Yuqarı mahkemesine yollanıldı. Rusiye tahqiqatınıñ versiyasına köre, adam Ukrayina Devlet hızmetiniñ vekiline Rusiye Qara deñiz flotunıñ bölüginiñ bulunğan yeri aqqında malümat berdi.
İşğalli Qırım prokurotlığı bunı bildirdi.
Tahqiqatnıñ versiyasına köre, adam «"mahsus arbiy operatsiya"nıñ keçirilmesine qarşı edi ve Ukrayina Baş istihbarat idaresiniñ vekili ile bağ qurdı».
Rusiye uquq qorçalayıcılarınıñ aytqanlarına köre, «o, çetel devletiniñ temsilcisine Qara deñiz flotunıñ bulunğan yeri aqqında malümatnı mesencerlerden biriniñ vastasınen berdi».
Rusiye FSBsiniñ hadimleri adamnı tuttılar. İşğalli prokurorlıq bildirdi ki, cinaiy dava boyunca qabaatlav qararı tasdıqlandı, dava ise Qırım Yuqarı mahkemesine yollanıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
