Rusiye, üç Qırım sakinini «Ukrayina istihbaratınıñ buyruğı ile Rusiye Qara deñiz flotunıñ gemilerini taqip etkeni» içün Aqyar (SevastopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Novorossiysk şeerlerinde «devlet hainligi» içün mahküm etkenini bildirdi. Olarnı 12, 16 ve 17 yıl sert rejimli koloniyada qalmasına üküm ettiler.
TASS Rusiye devlet agentliginde bu aqqında yazıla.
Krasnodar ülkesi ve Aqyar (Sevastopol) şeer mahkemeleri Qırım yarımadası ve Krasnodar ülkesinde faaliyet köstergen Ukrayina Mudafaa nazirliginiñ Baş istihbarat idaresiniñ agentlik ağınıñ üç azasına qabaatlav ükümlerini çıqardı. Olar 12, 17 ve 16 yıl sert rejimli koloniyada qalmasına üküm etildi, — dep haberde aytıla.
FSBniñ malümatına köre, Aqyar ve Novorossiysk şeerlerinde olar «Qara deñiz flotunıñ gemileri yerleşken yerlerde radio yayınlarını uzaqtan internet vastasınen nezaret etmek içün tehnikiy donatmalarnı yerleştirdi, bu ise gemiler taqımlarınıñ terkibi, arbiy azırlıq seviyesi, komandanlıq planları aqqında doğru malümat almaq, em de real vaqıtta raketa darbeleri ve UUA ücümlerini tüzetmege imkân bere edi».
1991 senesi doğma Qırım Cumhuriyetiniñ vatandaşı, Poloniya ziyareti vaqtında Ukrayina Bİİ hadimi tarafından işke alınğanını qayd etti. Kuratornıñ avalesine binaen, o, yarımadanıñ eki sakinini — 1991 ve 1968 senesi doğğan erkeklerni iş birligine celp etti, — dep haberde aytıla.
Qanunsız şekilde mahküm etilgen rusiyelilerniñ adları bildirilmey.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
