Ukrayinada siyasiy mabüslerniñ ikâyeleri ile Qırım tirenüviniñ virtual müzeyi peyda oldı

Ukrayinada 'Qırım tirenüvi müzeyi. Virtual hatıra alanı' online platforması açıldı. O, 2014 senesinden berli Qırımnıñ Rusiye işğaline qarşılıq köstergen ve siyasiy taqip, qanunsız apis ve apis cezasınıñ qurbanı olğanlarğa bağışlana.

Virtual müzeyniñ kirişi mütenasip saytta yerleştirilgen.

Leyha, şahsiy ikâyeler, vesiqalar, mektüpler ve hatıralar vastasınen qırımlı siyasiy mabüsler, jurnalistler, faaller ve aq qorçalayıcılar aqqında ikâye ete.

Müzeyniñ teşkil etilmesine siyasiy mabüslerniñ tuvğanları, azat etilgen Kreml mabüsleri, uquq qoruyıcı ve cemaat teşkilâtları qoşuldı. Leyha Berlinniñ Mauermuseum am Checkpoint Charlie ile işbirlikte çalışa, mında eksponatlarnıñ asıl qısımları saqlana.

Saytnıñ malümatına köre, leyhanıñ maqsadı — Qırımdaki Rusiye repressiyalarınıñ qurbanlarını añmaq, siyasiy taqiplerniñ insaniy ölçüsini köstermek ve işğalcilerniñ Qırım muqavemetiniñ tarihını bozmaq ıntıluvlarına qarşı çıqmaq.

Böylece, müzeyde uquq qoruyıcı ve «Qırım birdemligi» koordinatorı Server Mustafayevniñ Rusiye apishanesinde oğluna yapqan ekmek çorbaları numayış etile. Bundan ğayrı, ziyaretçiler jurnalist ve faallerniñ mektüplerini, azat etilgen siyasiy mabüs Nariman Celâlnıñ apis cezalarını, Appaz Kürtametniñ kündeliklerini, em de mahkeme oturışuvında bulunğan Asan ve Aziz Ahtemov qardaşlarınıñ köyneklerini köre bileler.

Aynı zamanda anda Qırım ressamı Boğdan Zizanıñ tarihını ögrenmek mümkün. 2022 senesi Yevpatoriyadaki işğalci memuriyet binasınıñ qapılarına sarı ve mavı boyalar sürüp, olarnı zorbalıqsız tirenüvniñ timsali yaptı. Aktsiya neticesinde işğalciler Zizanı alıp kettiler, işkencege oğrattılar ve 15 yılğa apiske aldılar. Bugün bu qapı müzeyniñ simvolik eksponatlarından biri oldı.

Перфоманс Богдана Зізи. Музей кримського спротиву

Bundan da ğayrı, leyha işğal akimiyeti tarafından uydurılğan qabaatlavlar boyunca 12 yıl apis cezasına mahküm etilgen pensioner Ğalına Dovğopola ve vatandaş jurnalisti İrına Danıloviç aqqında tarif ete. Müzeyde onıñ fotoresimi, apishaneden yazğan mektüpleri ve hırsızlanuv, qanunsız tutuv ve sağlıq alı fenalaşuvı ile bağlı taqip malümatı kösterile

Збільшена копія рожевої бігуді Галини Довгополої та книжка Османа Аріфмеметова «Моя депортація». Музей кримського спротиву

Лист та фотографія Ірини Данилович. Музей кримського спротиву

Bundan da ğayrı, eksponatlar arasında yarımadada jurnalistlik yapqan soñ tutulğan Vladıslav Yesıpenkonıñ apishaneden yazğan mektübi ve esirlikte yazmağa devam etken qırımtatar vatandaş jurnalisti Osman Arifmetovnıñ kitabı bar. Onıñ kitabı «Meniñ sürgünim». SİZOda yazılğan Qırım jurnalistiniñ reportajları söz serbestligi ve repressiyalarğa qarşılıq timsali oldı.

Sergini toldurmaq içün azat etilgen siyasiy mabüslerniñ ve Kreml mabüsleriniñ qoranta azalarınıñ şaatlıqları müim rol oynay. Olar apis şaraitleri, ruhiy basqı, hastalıqlar, Rusiye esirliginde yapılğan işkenceler aqqında tarif eteler. Bu ikâyeler resmiy vesiqalarğa qoşula.

Читати ще

Читати ще

В Україні планують врегулювати порядок оформлення документів для політвʼязнів Кремля, зокрема з Криму

Читати ще

Кількість політв’язнів Криму зросла удвічі після 2022 року, порівняно з періодом до повномасштабної війни — Барієва

Читати ще

У Києві відкрили виставку «Украдене щастя» про кримських політв’язнів і цивільних полонених у Росії та ТОТ

Читати ще

Кримські політв’язні — в центрі уваги мерії Парижа: родичі заручників Кремля розповіли про тортури та ізоляцію

Telegram, WhatsApp, Facebook, TikTok ve YouTubede Suspilne Qırım haberlerine abune oluñız

Bizni Google Haberlerinde oqumaq içün Suspilne Qırımnı saylanğan mevzularda saylañız