İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) 58 yaşındaki adam ve 33 yaşındaki oğlu «patlayıcı maddeler ve silâ saqlağanı»nda şübelenip tutuldı. Rusiye uquq qorçalayıcıları olarnıñ evlerinde 1,3 kilogrammdan ziyade barot ve 40 avlıq tüfegini tutıp aldılar.
İşğalli Sevastopol (Aqyar) polisi bu aqqında haber etti.
Rusiye uquq qorçalayıcılarınıñ malümatına köre, erkekler eskiden «avcılıqnen oğraşa ve avcılıq silâsını taşıy ediler. Oğlunıñ ruhsetnamesi alındı, babası ise avcılıqnı toqtattı, olar silâsını teslim ettiler, amma barot ve qurşunlarnı saqlap qaldılar».
58 yaşındaki adamnıñ evi tintilgende «380 gramm tumansız barot tapıldı. Oğlunıñ evinde, Rusiye polisiniñ malümatına köre, daa bir kilogramm barot ve 7,62 milimetrlik 40 avcılıq qrurşun tapıldı».
Tutulğanlar uquq qorçalayıcılarğa «barot ve silânı teslim etmegenlerini, çünki vesiqalarnen bağlı meselelerni çezmege planlaştırğanlarını» ayttılar.
İşğalli uquq qorçalayıcılar er ekisine qarşı cinaiy davalar açtılar. Olar sekiz yılğa qadar azatlıqtan marum etile bileler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
