Qırımda işğalciler adamnı Ukrayina içün casuslıqta qabaatlap mahkeme etecekler.
RİA «Novosti Krım» bunı bildirdi.
«33 yaşındaki Simeiz sakinini devlet hainliginde qabaatlaylar, dep bildirdi işğalli Qırım prokurorlığı. Erkek arbiy geminiñ fotoresimini çıqardı ve malümatnı Ukrayina istihbaratına berdi», — dep qayd etildi haberde.
Hatırlatamız ki, Yevpatoriya (Saq) rayonınıñ 27 yaşındaki sakini işğalciler tarafından qanunsız şekilde Qırımda tutuldı.
Onı «terrorizmni açıq şekilde aqlağanı»nda qabaatladılar. Adam 7 yılğa qadar apis cezasını ala bile. İlk küz ayınıñ 14-nde TASS Rusiye devlet agentligi haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
