İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Mihail Razvojayevniñ bildirgenine köre, bir künde şeerde 26 dron tüşürildi, bir insan yaralandı.
RİA «Novosti Krım», Razvojayevge atfı etip, bunı bildirdi.
Rusiye Mudafaa nazirligi Qırımda, işğal etilgen diger topraqlarda ve Rusiyeniñ bölgelerinde 222 uçucısız uçaq aleti tüşürilgenini bildirdi.
Hatırlatamız ki, ilk küz ayınıñ 14-nde Razvojayev şeer üzerinde urulğan 18 dron aqqında bildirdi, olarnıñ parçaları bala bağçasınıñ ve avtobusnıñ damına tüşti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
