İlk küz ayınıñ 14-ne keçer gecesi ukrayin arbiy hızmetçileri Rusiyeniñ işğal etilgen Qırımdaki yaqın navigatsiya radio sistemasını urdılar.
USQniñ Baş ştabı bu aqqında haber etti.
«VİEVaqtınca işğal etilgen Qırımdaki «Saq» ava limanı rayonında işğalcilerniñ yaqın navigatsiya radio sisteması zarar kördi», — dep qayd etildi haberde.
İlk küz ayınıñ 13-nde ve ilk küz ayınıñ 14-ne keçer gecesi işğal etilgen Qırımdan ğayrı, Ukrayina Mudafaa quvetleri Soçide S-400 «Triumf» ZRKniñ 92N6 RLSnı, Kursk ve Donetsk rayonlarında ücüm etici UUAlerini saqlav, azırlav ve uçuruv yerlerini, Novoğrodivkada UUAlerini idare etüv noqtasını, RFnıñ Brânsk vilâyetindeki radiolokatsiya stantsiyaları ve üç yañıdan yayınıcını urdı.
Hatırlatamız ki, ilk küz ayınıñ 14-ne keçer gecesi işğal etilgen Qırımda patlavlar oldı. Hususan Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında ve Keriçte. Rusiye Mudafaa nazirligi Qırım ve Rusiyeniñ diger işğal etilgen topraqları ve bölgeleri üzerinde 399 uçucısız uçaq aletni urğanını bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
