Yarımada işğal etilgen soñ rayonnıñ qanunsız «prokurorlığı»nı idare etken Qırım Muhtar Cumhuriyetiniñ Qara deñiz rayonınıñ sabıq prokurorı 13 yılğa mahküm etildi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Prokurorlıqnıñ malümatına köre, qabaatlanğan adam Ukrayina prokurorlıq organlarınıñ hadimi olıp, işğalki organnıñ yolbaşçılığını yapmağa razı oldı. Bu «vazifede» o, hadimleriniñ işini teşkil ete ve nezaret ete edi, Rusiye qanunlarına köre sahte prokurorlıqnıñ faaliyetini temin ete ve işğalli «mahkemeler»de qabaatlavnı destekley edi.
Böylece, qabaatlayıcı tarafnıñ malümatına köre, adam vaqtınca işğal etilgen Qırımda Rusiye prokurorlıq organlarınıñ çalışmasına yardım etti ve Rusiye temsilcilerine Ukrayinağa qarşı faaliyetinde yardım etti.
Mahkeme onı devlet hainliginde qabaatladı. O, 13 yıllıq apis cezasını aldı, mal-mülki müsadere etildi.
Bundan ğayrı, mahkeme onı üç yıl devamında prokurorlıqta ve uquq qorçalayıcı organlarda vazifelerini eda etmek aqqından marum etti.
Prokurorlıq onıñ adını aytmadı, lâkin Suspilne Qırımnıñ haberdar olğan menbası anonim şekilde söz Denıs Avidzbu aqqında yürsetilgenini bildirdi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları («ğıyabiy ükümler») neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
