2014 senesi yarımada işğal etilgen soñ Rusiye silâlı quvetlerine qoşulğan Qırımnıñ on sabıq sakinine devlet hainliginde ğıyabiy şekilde şübe bildirildi. Tahqiqatnıñ malümatına köre, olardan bir qaçı Rusiye ordusında hızmet etmege devam ete.
Ukrayina Milliy polisiniñ Strategik taqiqatlar departamenti bunı bildirdi.
Uquq qorçalayıcılarnıñ malümatına köre, qabaatlanğanlar, şu cümleden, ava mudafaası bölüklerinde, raketalarğa qarşı zenit polklarında, ava-kâinat quvetleriniñ arbiy idare etüv qurulışlarında ve sınav poligonında hızmet ettiler. Tahqiqatnıñ malümatına köre, olarnıñ çoqusı alâ daa Rusiye arbiy qısımlarında hızmet ete.
Şübelengenler arasında — zenit raketa bölüginiñ komandanınıñ arbiy-siyasiy iş boyunca muavini, em de komandanlıq noqtası ve radiolokatsiya gruppası içün mesüliyetli arbiy hızmetçiler bar. Diger iştirakçiler Avtomobil hızmetinde ve radiatsiya, himiyeviy ve biologik qoruv hızmetinde yolbaşçılıq vazifelerini aldılar.
Milliy polisniñ malümatına köre, 2020-2021 seneleri eñ az üç adam Rusiye silâlı quvetlerinden istifa etti. Tahqiqatnıñ malümatına köre, şübelengenlerniñ çoqusı hızmetini devam ete.
On adamğa devlet hainligiUkrayina Cinaiy qanunnamesiniñ 111-nci maddesiniñ 1-nci qısmınde ğıyabiy şekilde şübe bildirildi. Madde 15 yılğa qadar apis cezasını belgiley.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
