İlk küz ayınıñ birinci aftasında Ukrayina İnsansız sistemalar quvetleri işğal etilgen Qırımda ve Rusiye tarafından işğal etilgen diger topraqlarda 34 elektrik merkezniñ zarar körgenini bildirdi.
Ameliyatnıñ neticeleri aqqında Robert «Madâr» Brovdi öz Telegram kanalında bunı bildirdi.
Onıñ sözlerine köre, «Qırım rubilniki off» ameliyatı oraq ayınıñ 6-ndan berli devam ete. Umumen eki ay içinde 374 energiya merkezi ücüm etildi.
Onıñ malümatına köre, ilk küz ayınıñ birinci aftasında ücüm teilgen maqsadlar arasında Qırımda bir qaç obyekt bar. Hususan, «Nıjnöğirskıy», «Nataşıne», «Yevpatoriya», «Verasayeve», «Dibrivka», «Ğeroyske», «Pervomayske», «Koloskı», «Azovske» ve «Nıjnöğirsk» gaz stantsiyaları aqqında söz yürsetile.
Cedvelde Herson vilâyetindeki «Ğeniçeska» elektrik ast stantsiyası, Şçastâdaki Luğansk SESSıcaqlıq elektrik stantsiyası, Donetsk ve Zaporijjâ vilâyetlerinde yerleşken ast stantsiyalar ve vaqtınca işğal etilgen başqa topraqlarda energetik astyapı obyektleri de bar.
Brovdi şunı da qayd etti ki, maqsadlar arasında Rusiye ordusınıñ mobil ateş gruppaları bar edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
