«Serbest Qırımğa mektüpler» teşebbüsi çerçivesinde ukrayin yazıcısı ve şair-altmışıncısı, Taras Şevçenko adına Ukrayina Milliy mukâfatınıñ laureatı Lina Kostenko 2026 senesi basılğan «Marstan esken yel» kitabından «Bağçasaraynıñ közyaş çeşmesi canı kibi ağıra» şiirini oqudı.
Ukrayina Prezidentiniñ Qırım Muhtar Cumhuriyetindeki Temsilciligi Facebookta bunı bildirdi.
«Bu şiirde Qırım yalıñız bir topraq olaraq degil de, Vatan, hatıra alanı ve qırımtatar halqınıñ evi olaraq kösterile. Lina Kostenko Bağçasaray, qırımtatar tarihı ve hatırası, evniñ ğayıp oluvı ve Rusiye işğali aqibetleri aqqında tarif ete. O, "bazalar", " liman" ya da "kurort" aqqında laflarnıñ artında qırımtatarlar içün Vatan olğan topraq olğanını hatırlata», — dep qoştı Temsilcilik.
Şiirdeki Bağçasaray közyaş çeşmesiniñ timsali Qırımnıñ acısını ifadeley, dep ayttı Temsilcilik ve qoştı — «Lina Kostenkonıñ şiiriyeti hatırlatma kibi kele: Qırım tarihını işğalnen ğayrıdan yazmaq mümkün degil, onıñ asıl sesini ise susturmaq mümkün degil».
«Serbest Qırımğa mektüp» teşebbüsine qoşulıñız. Bir mektüp yazıñız, dostlarıñızğa ve işdeşleriñizge aktsiya aqqında haber beriñiz, içtimaiy ağlarda paylaşıñız. Bu adımlar vatandaşlarımızğa, er angi maniağa baqmadan, olarnıñ serbestligi içün küreşkenimizni añlatmağa yardım etecek», — dedi Temsilcilik.
2023 senesi çiçek ayında «Serbest Qırımğa mektüpler» aktsiyası başlatıldı. Onıñ aqqında tafsilâtlıca Suspilne Qırım maqalesinde söz yürsetildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
