İşğal etilgen Qırımda Rusiye quvetçileri siyasiy mabüs Nasiba Sayidovanıñ babası olğan imam Sadık Urinbayevge qarşı memuriy dava açtı. O, işğalli Musulmanlar diniy idaresinde tasdıq vesiqası olmadan Cuma namazını qılıp keçirgeninde qabaatlana.
«Gratı» neşiri bu aqqında haber etti.
Neşirniñ malümatına köre, protokolda qayd etilgenine köre, ilk yaz ayınıñ 5-nde Urinbayev Dolınne köyünde, Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) musulmanları diniy idaresinde attestatsiyadan keçkenine dair şeadetnamesi olmağan vaqıt, cemaat Cuma namazını qılıp keçirdi.
İmam protokolnı imzaladı, amma qabaatını tanımağanını ve öz areketlerini qanunsız saymağanını qayd etti.
«Polis mayorı yardımcısı ile kelip, protokol tizecegini ve davanıñ mahkemege berilecegini haber etti. Bundan evel, ilk yaz ayınıñ 5-nde, diger organlarnıñ hadimleri de camige kelip, adamnen laf etken ediler. Köyümizniñ camisi yañı, daa qurula. Erkek yılda eki kere Oraza bayramı ve Qurban bayramı munasebetinen ötkerilgen bayram namazlarını ve cemaat tedbirlerini keçire edi, amma resmen Qırım musulmanları diniy idaresinde imam olaraq qayd etilmegen edi», — dep tarif etti imamnıñ apayı Dinara İyupova.
Urinbayevge 5 biñden 50 biñ rublege (2,500-25000 ğrn.) qadar para cezası berile bile. İşğalli «mahkeme»niñ oturış künü şimdilik belgilenmedi. İmam içün bu ilk memuriy dava. Qırım musulmanları içün diniy merasimlerni 1994 senesinden başlap keçire.
Urinbayevge qarşı dava onıñ ve apayınıñ 19 yaşındaki qızı Nasiba Sayidovanı azat etmek çağıruvları sebebinden açıldı. O, 2025 senesi orta küz ayınıñ 15-nde daa üç qırımtatar qız-qadını ile beraber tutuldı. Rusiye quvetçileri olarnı Rusiyede terroristik olaraq tanılğan, amma Ukrayinada qanuniy şekilde faaliyet köstergen «Hizb ut-Tahrir» teşkilâtına alâqası bar olğanında qabaatlay.
Qızı yaqalanğan soñ Sadık Urinbayev oña qoltutuv kampaniyasına qoşuldı ve qız-qadınlarnı azat etmek talabınen Rusiye organlarına muracaatlarda imza topladı. «Gratı»nıñ malümatına köre, muracaatqa 6,5 biñden ziyade imza toplandı.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, «qanunlarğa qarşı faaliyet»te ve böyle degen «cian hilâfeti»ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
