İşğal etilgen Qırımda Rusiye FSB, «Ukrayina arbiy istihbaratına arbiy obyektler ve neft bazaları aqqında malümat berüv»de qabaatlanğan üç adamnı yaqalağanını bildirdi. Olarnı «devlet hainligi»nde qabaatlaylar.
RF FSBniñ cemaat alâqaları merkezi bunı bildirdi, dep yazdı RİA «Novosti Krıma».
Rusiye mahsus hızmetiniñ bildirgenine köre, 1988, 1994 ve 1995 seneleri doğğan erkekler tanışuv saytında «Ukrayinağa köçken Qırım sakini olaraq tanılğan» qadınnen qonuşa edi. FSB, mektüpleşüv vaqtında o, olarğa «Ukrayina mahsus hızmetleri içün malümat toplamağa» teklif etkenini iddia ete.
Rusiye mahsus hızmetiniñ bildirgenine köre, erkekler «arbiy obyektlerniñ fotolarını, videolarını ve koordinatlarını, şu cümleden AMSava mudafaası sisteması, neft bazaları, yaqıt-yağ malzemeleriniñ saqlanuv ve yüklenüv yerlerini, arbiy tehnika turağan yerlerni ve marşrutlarnı berdi».
FSBniñ Qırım ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) idaresiniñ taqiqat bölügi «devlet hainligi» boyunca cinaiy davalar açtı. Tutulğanlar apiske alındı. Rusiye qanunlarına köre, bu madde boyunca olar ömür boyu apis cezasını ala bileler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
