Ukrayina Fevqulâde vaziyetler devlet hızmetiniñ sabıq Qırımlı hadimine devlet hainliginde şübe bildirdiler. O, 15 yılğa qadar azatlıqtan marum etüv cezasını ala bilir.
Qırım polisi bunı bildirdi.
Yarımada işğal etilmezden evel adam Qırımdaki FVDHniñ yanğın telükesizligi meseleleri devlet nezareti idaresiniñ teşkerüv ve litsenziyalav bölüginiñ baş inspektorı olıp çalışqan edi.
«2014 senesi kiçik-saban aylarında, Qırım yarımadasınıñ vaqtınca işğali başlağan soñ, oña qanunsız şekilde teşkil etilgen işğalli organğa — "Rusiye FVNFevqulâde vaziyetler nazirliginiñ Qırım Cumhuriyetindeki Baş idaresi«ne keçmege teklif etildi. İşğalli qurulışta on yıldan ziyade çalışqan soñ, satqın aynı bu idareniñ reisiniñ muavini vazifesine qadar yetip keldi», — dep qayd etildi haberde.
2021 senesi ilk yaz ayından başlap o, işğal «Rusiye Fevqulâde vaziyetler nazirliginiñ Qırım Cumhuriyetindeki Baş idaresi»niñ reisiniñ muavini vazifesinde buluna edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
