Yarımada işğal etilgen soñ işğalli akimiyet organlarında çalışqan sabıq «Qırım Cumhuriyeti Yaqarlıq ve energetika naziri» devlet hainliginde qabaatlanıp, Ukrayina mahkemesine çıqacaq. Kıyivde işğal etilgen Qırımdan kelgen adamnı tuttılar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Adam 2026 senesi ilk yaz ayınıñ 18-nde Kıyivde tutuldı. Uquq qorçalayıcılar, o, işğal etilgen Qırımdan Ukrauina nezaretindeki topraqqa çıqıp, paytahtta yerleşti ve yerli işhanede çalışqanını qayd etti.
Tahqiqatnıñ versiyasına köre, Qırım işğal etilgen soñ adam Rusiye tarafına keçti ve Rusiye vatandaşlığını aldı. Daa soñra onı «Qırım Cumhuriyeti Yaqarlıq ve energetika naziri» olaraq tayinlediler.
İşğalli ükümette olğan vaqıt, prokurorlıqnıñ malümatına köre, o, qanunsız şekilde teşkil etilgen akimiyet organınıñ işini teşkil etti, Rusiye Federatsiyasınıñ yaqıt-energetika ve sanayı saalarında siyasetini şekillendirüvde ve amelge keçirüvde iştirak etti, em de işğal etilgen Qırımda energetika ve yaqıt saası obyektlerini idare etti.
«Nazirlik»ten çıqqan soñ, tahqiqat malümatına köre, adam Rusiye menfaatlarında çalışmağa devam etti. Hususan, o, bir qaç yerli madencilik şirketiniñ «müdiri» vazifelerini eda etti.
Adamnı 15 yılğa qadar apis cezası bekley. Mahkeme ükümni çıqarğanına qadar, qabaatlanğan şahıs apiste qalacaq.
Suspilne Qırımnıñ menbalarınıñ bildirgenine köre, söz Serğiy Kolobov aqqında kete.
Hatırlatamız ki, ukrayin uquq qorçalayıcıları on yıldan ziyade devlet hainliginde şübelengen ve Kıyivde tutulğan işğalli Qırım ükümetiniñ sabıq «yaqarlıq ve energetika naziri»niñ faaliyetini vesiqalandırdı. Qırım Cumhuriyeti ve Sevastopol (Aqyar) şeeri prokurorlığınıñ yolbaşçısı Nariman Süleymanov bunı bildirdi. Onıñ aytqanına köre, şübelengen şahısnıñ 2025 senesiniñ soñunda Ukrayina kontrol etken topraqqa qaytarılması müim oldı, bundan soñ taqiqatçılar kerekli delillerni topladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
