İlk küz ayınıñ 3-nde Qırımda işğalciler Beslan faciasınıñ 22-nci yıllığına bağışlanğan bir sıra teşviqat tedbirini keçirdiler — bu künü terroristler tarafından zapt etilgen 1-nci mektepke qarışıq ücüm yapıldı, reine adamlar elâk oldı. Bu kampaniya çerçivesinde Rusiye teşviqatı 2004 senesi Beslan vaqialarını şimdiki Ukrayina cenki ile qıyasladı.
İlk küz ayınıñ 4-nde Ukrayina milliy havfsızlıq ve mudafaa şurasınıñ organı olğan Sahte malümatqa qarşılıq merkezi bu aqqında yazdı.
«Bu qıyaslama saçma ve aldatıcıdır. Beslandaki mektepniñ terroristler tarafından zapt etilmesi, Ukrayinada Rusiye tarafından açılğan tolu miqyaslı istilâcı cenk devam etken vaqıt, yerli bir zorbalıq aktsiyası edi. Rusiye ordusı er kün ukrayin şeerlerini ateşke tuta, vatandaş astyapısını yoq ete ve insanlarnı öldüre. Ukrayina toprağınıñ ve vatandaşlarınıñ tışqı istilâcıdan qorçalavını terrorizm ile qıyaslamaq — kerçekni bilerek bozmaq. VİETvaqtınca işğal etilgen topraqlarda bu kibi areketler yaparaq, Kremlniñ eki maqsadı bar: yerli gençlerniñ közünde Ukrayinanı «terrorist devlet» ve «qorqunç duşman» olaraq köstermek, em de işğal etilgen topraqlardan kelgen gençlerni iç Rusiye tarihiy kontekstine kirsetmek, olarnıñ ukrayin kimligini sıqıştırmaqtır», — dep qayd etti SMQM.
«Vesti Krım» teşviqiy kanalınıñ reportajında «Kıyiv rejiminiñ terroristik areketleri» aqqında aytıldı.
İşğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) ise mekteplerde teşviqat lektsiyaları olıp keçti, Dıtâçıy parkında kiçik balalarnı «aktsiya»ğa celp ettiler.
Ruslar bu kibi tedbirlerni Ukrayinanıñ diger işğal etilgen topraqlarında da keçirdiler, dep qayd etti SMQM.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
