Ruslar işğal etilgen Yaltanıñ 49 yaşındaki sakinini «devlet hainligi» sebebinden, sert rejimli tüzetüv müstemlekesinde 18 senege qanunsız şekilde mahküm ettiler. Azat etilecek soñ, o daa 1 sene 10 ay areket sıñırlandırılmasında olmaq kerek.
Sözde «Qırım yuqarı mahkemesi»niñ Telegram kanalında bunı bildirdiler.
«Qırım Cumhuriyeti Yuqarı Mahkemesinde Yalta şeerinde yaşağan, 1977 senesi doğğan Rusiye Federatsiyası vatandaşını devlet hainliginde qabaatlı tanığan üküm çıqarıldı. Mahkeme, qabaatlanğannıñ areketlerini Rusiye Federatsiyası Cinaiy Qanunnamesiniñ 275-nci maddesi — devlet hainligi, yani Rusiye Federatsiyası vatandaşı tarafından yapılğan casuslıq — RF organlarına qarşı qullanıla bilecek malümatlarnı duşmanğa berüv ve bermek maqsadınen toplav, Rusiye Federatsiyasınıñ iştirakinen silâ ve arbiy tehnika qullanılğan diger areketler şaraitindeki areketler olaraq tasnif etti», — dep qayd etildi haberde.
İşğalciler oña qanunsız ceza olaraq, sert rejimli tüzetüv müstemlekesinde 18 sene tayin ettiler. Bundan ğayrı, esas apis cezasından soñ, oña qoşma ceza olaraq 1 sene 10 ay areket sıñırlandırılması tayin etildi.
«Cinaiy dava»nıñ baqılması qapalı rejimde keçti, çünki işğalciler bilgilerni sözde «devlet sırrı» teşkil etken malümatlarnı özünde saqlağan dep sayalar. Üküm qanuniy quvetke kirmedi.
Bundan ğayrı, işğalciler qabaatlanğannıñ adını aytmaylar.
Hatırlatamız ki, ilk küz ayınıñ 1-nde belli oldı ki, ruslar Forosnıñ 41 yaşındaki sakinini «devlet hainligi» içün müstemlekede 18 senege qanunsız şekilde mahküm ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
