2026 senesi ilk küz ayınıñ 3-nde ve ilk küz ayınıñ 4-ne keçer gecesi Ukrayina Mudafaa Quvetleriniñ bölükleri, işğal etilgen Qırımda «Grenader» AATİVM (avtomatlaştırılğan tehnikiy istihbarat vastaları noqtası) noqtalarına zarar ketirdiler. Olar Perekop (OrRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında, yarımadanıñ şimalinde, Suvorove ve Rısove köylerinde yerleşken ediler.
İlk küz ayınıñ 4-nde USQniñ Baş Ştabı Facebookta bunı bildirdi.
«Ketirilgen zararnıñ derecesi ögrenile. Duşmannıñ esas arbiy maqsatları üzerinde iş devam ete», — dep qayd etildi haberde.
«Grenader» avtomatlaştırılğan istihbarat tehnikiy istihbarat vastaları noqtası (ya da avtomatlaştırılğan tehnikiy nezaret noqtası) — Rusiyeniñ avtomatlaştırılğan istihbarat tehnikası noqtasıdır. Rusiye işğalli orduları bu kompleksni tehnikiy istihbarat keçirmek, cebedeki ya da sıñırdaki topraqlarnı nezaret etmek, em de ukrayin quvetleri ve tehnikanıñ areketini tapmaq içün qullana.
Hatırlatamız ki, bu gece qomşu Canköy rayonında patlavlar aqqında haber berdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
