İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Mihail Razvojayev, ilk küz ayınıñ 4-nde üyleden evel şeer üzerinde yedi dronnıñ urıp tüşürilgenini bildirdi. Qamış qara yolu rayonındaki bağça cemiyetinde yanğın qayd etildi.
O, Telegramda bu aqqında yazdı.
Bundan ğayrı, onıñ sözlerine köre, rayonlardan birinde urulıp tüşürilgen, amma patlamağan bir dron tapıldı.
«Qırım yeli» nezaret kanalı, saat 12:53-te Sevastopol üzerinde elektrik ast stantsiyası tarafında dronlarnıñ uçuşı aqqında bildirdi.
Şeerde telüke saat 12:19-da ilân etildi ve saat 13:00-ke qadar devam etti.
Hatırlatamız ki, ilk küz ayınıñ 4-ne keçer gecesi işğal etilgen Qırımda patlavlar eşitildi. Şu cümleden, Sevastopolda (Aqyarda), Canköy rayonında, nezaret sayfaları Ğvardiyske ava limanı rayonında bir patlav, soñra ise yanğın aqqında bildirildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
