Dört yıldır Herson sakinleri olğan Yeğor Kısel ve Mıkola Vidmukniñ taqdiri belli degil. 2022 senesi oraq ayında Rusiye «quvetçileri» adamlarnı yaqaladılar, bundan soñ olarnı Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) alıp kettiler, anda olar yıllar devamında izolâtsiyada tutuldı. Şimdi tuvğanları ve uquq qorçalayıcılar olarnıñ bulunğan yerleri aqqında malümatnı ögrenmege tırışalar.
Qırımtatar Resurs Merkeziniñ idarecisi, uquq qorçalayıcı Zarema Bariyeva Facebookta bunı bildirdi.
2014-2015 seneleri Yeğor Kısel ATOTerrorizmge qarşı ameliyat — Ukrayina quvet strukturalarınıñ arbiy ve mahsus teşkiliy-uquqiy tedbirler kompleksidir, Ukrayinanıñ şarqındaki cenkte qanunsız Rusiye ve Rusiye tarafdarı silâlı birleşmeleriniñ faaliyetine qarşılıq kösterile. 2014 senesi çiçek ayınıñ 14-nden 2018 senesi çiçek ayınıñ 30-na qadar devam etti. ATOdan soñ Ukrayinanıñ şarqında Birleşken quvetlerniñ ameliyatı başlandı iştirakçisi edi. Mıkola Vidmuk — onıñ yaqın dostu. Herson işğal etilgen soñ, Rusiye FSBRusiye Federal Havfsızlıq hızmetiniñ vekilleri Yeğornıñ dairesini bir qaç kere tintken ediler.
«Herson şeerinden 35 yaşındaki yedek hadimi Yeğor Kısel ve 36 yaşındaki qurucı Mıkola Vidmukniñ taqdiri endi dört yıldan berli belli degil. Adamlar Hersonda doğdılar ve östiler, yaqın dostlar ediler ve bir kün — 2022 senesi oraq ayınıñ 2-nde — apiske alındı. Şeerni zapt etken soñ, Rusiye işğalcileri ATO iştirakçileriniñ bütün malümat bazaları ve cedvellerine irişip oldılar. Olarnıñ arasında 2014-2015 seneleri Ukrayinanıñ şarqında cenkleşken Yeğor da bar edi. Bu aylarda oğlannı qıdırğan FSB hadimleri ana-babasınıñ dairesini bir qaç kere tintken ediler. Olar nevbetteki tintüvni keçirdiler, amma bu sefer bütün kompyuter tehnikasını ve fleş-yedeklerini tutıp aldılar», — dedi Bariyeva.
2022 senesi oraq ayınıñ 3-nde Kıselniñ qorantası, eki adamnıñ qanunsız tutulğanını ögrendi.
«İşğalciler Mıkolanıñ evini tinttiler, anda da Yeğor bar edi. Oğlanlarğa şapka taqıp, belli olmağan yerge alıp kettiler. Quvetçiler Vidmuknıñ evinden bütün tehnikasını tutıp aldılar ve, elbette ki, tuvğanlarına qaytarmağa "unutıp" qaldırlar. Tutuluv ve tintüvlerni maskalı ve kimlik işaretleri olmağan on kişiden ibaret olğan taqım keçirdi. Olğanlarnıñ qollarına buğav taqıp, "Z" işaretli nomerası olmağan arbiy maşnağa mindirdiler ve alıp kettiler», — dedi uquq qorçalayıcı.
Daa soñra belli olğanı kibi, 2022 senesi oraq ayınıñ 2-nde saat 19:00-da Mıkolanıñ evi tintildi, bundan soñ FSB hadimleri Yeğornıñ ana-babasına kettiler.
«Eki saat evel apiske alınğan oğlunıñ bulunğan yerini ögrenmege tırışıp, saatlerve Yeğornıñ anas ve babasını raatsız ettiler. İşğalciler oğlanlarnı o vaqıt FSBniñ eñ sert taqımlarından biri yerleşken Herson VTİvaqtınca tutuluv izolâtorıa alıp keldiler. Bir kün keçken soñ tuvğanları yaqınlarınıñ bulunğan yerini ögrendiler, olarğa eşya ve ilâclarnı berdiler», — dedi Bariyeva.
Adamlar Herson izolâtorında qanunsız alda 2022 senesi ilk küz ayınıñ 2-ne qadar bulundı, anda, uquq qorçalayıcılarnıñ aytqanlarına köre, işkencege oğratıldı, soñra ise işğal etilgen Simferopolğa (Aqmescitke) ketirildi ve 1-nci taqiqat izolâtorına yerleştirildi. Anda olarnı farqlı kameralarğa yerleştirdiler. Bir buçuq aydan soñ oğlanlarnı 2-nci SİZOğa avuştırdılar, anda olarnı kene de bir-birinden ayırıp tuta ediler.
«Üç yıl devamında Yeğor ve Mıkola Simferopoldaki (Aqmescitteki — terciman) 2-nci SİZOda "incommunicado« rejiminde 2025 senesi çiçek ayınıñ 26-na qadar tutuldı. O vaqıt olarnı soñki sefer Rusiye esirliginden 2026 senesi saban ayınıñ 6-nda azat etilgen sabıq arbiy esir Yevhen Lukaşevıç körgen edi. Oğlanlarnı apishaneden çıqardılar ve olarnı Hersonğa evlerine yollaycaqlarını ayttılar, amma, añlağanıñız kibi, evlerine qaytmadılar. Olarnı yuqarıdaki diger kameralarğa avuştırıp, Simferopolnıñ (Aqmescitniñ — terciman) 2-nci SİZOda qaldırdılarmı, ya da Rusiyege alıp kettilermi — kimse bilmey», — dep añlattı Bariyeva.
Yıllar devamında qorantalar adamlar aqqında malümatnı esasen evlerine deñiştirüv neticesinde qaytıp olğan sabıq esirlerniñ ikâyelerinden toplaylar. Qorantalar defalarca «FSBniñ Qırım Cumhuriyeti ve Sevastopol şeerindeki idaresi»ne muracaat yollağan ediler. Cevap olaraq, soy-soplar «İdare»niñ yolbaşçısınıñ muavini A. N. Stepanovnıñ imzası ile 2022 senesi yazılğan ve «FSB hadimleri erkeklerni "SVOMahsus arbiy ameliyat — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan teşviqat efemizmidir. vaqtında Rusiye Federatsiyasınıñ telükesizligine zarar ketirgeni« içün teşkereler, dep bildirgen eki mektüp aldılar. Bundan soñra ise, Zarema añlatqanına köre, er angi cevapta, olar, evelden bütün kerekli añlatmalar berilgenine esaslanıp, bulunğan yeri aqqında malümatnı bermege red ete ediler.
«Tahmin etiñiz: dört yıl FSB apishanelerinde, iç bir status ve tış dünya ile bağ olmadan! Dört yıl devamında bütünley izolâtsiyada, susqunlıqta ve oğlanlarnı esir alğan şahıslarnıñ tsinik izaatları ile. Rusiye sisteması canlı insanlarnı "közge körülmezler"ge çevirir, olarnıñ esas aqlarını ve ev ile bağlarını yıllarca yoq ete. Qırım SİZOnı Bermuda üçköşesi dep adlandırmaq mümkün, anda insanlarnıñ taqdirleri birden ğayıp ola. Mıkola Vidmuk ve Yeğor Kıselniñ bulunğan yeri ve sağlıq vaziyetini kimse bilmey», — dey uquq qorçalayıcı.
Zarema Bariyeva, rusiye apishanelerinden keçken er keske muracaat ete — bu adlarnı ve soyadlarnı eşitken, bir kamerada ya da Simferopol (Aqmescit) SİZOsında ya da Rusiyeniñ diger tahqiqat izolâtorları ve müstemlekelerinde olarnen körüşken olsa, haber etiñiz.
«Lütfen, eñ küçük tafsilât bile olarnı qurtara bilir», — dep qayd etti o.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
