Ukrayinada işğalli Qırım «naziriniñ muavini» duşmannen işdeşlik içün sekiz yılğa mahküm etildi.
Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
«Mahkemede prokurorlar 2024 senesi saban ayında mahküm etilgen adam şahsen duşmannıñ teklifine "kurort ve turizm naziriniñ muavini" vazifesini almağa razı olğanını isbatladılar. Bu vazifede o, sahte nazirlikniñ işini teşkil etmek qararlarını yerine ketire, turistik saasında "devlet nezareti"ni keçire, teftiş ziyaretlerini keçire, em de qanunsız akimiyet organınıñ işini temin etmek içün diger vazifelerni eda ete», — dep qayd etildi haberde.
Adamğa 8 yıllıq apis cezası ve mal-mülkniñ musadere etilmesi berildi. Bundan ğayrı, o, devlet akimiyet organlarında, yerli öz-özüni idare etüv organlarında vazifeler tutmaq ve 10 yıl devamında iqtisadiy faaliyetnen oğraşmaq aqqından marum etildi.
Suspilne Qırımnıñ menbalarınıñ anonim şeklinde bildirgenine köre, söz Serğiy Ğulük aqqında kete.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları («ğıyabiy ükümler») neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
