Bu yaz işğal etilgen Qırımda raatlıq planlaştırğan turistler, evel ödegen paralarını qaytaramaylar. Söz, hususan, işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki «İzumrud» istiraat eviniñ müşterileri aqqında yürsetile.
FortPost işğalli neşiri bu aqqında haber berdi.
«Müessise añlatqanına köre, keçikmelerniñ sebebi, erte ayırtuv aksiyası boyunca alınğan para, yaz mevsimine yerleşme obyektlerini azırlamaq içün qullanıldı. Şimdi müessise bütün mecburiyetlerini tez şekilde yerine ketirmek içün sadece para yetmey», — dep yazdı neşir.
Bundan ğayrı, az miqdarda kelgen müşteriler sebebinden, Sevastopol (Aqyar) toprağındaki kütleviy toplanğan yerleri cedvelinden eki plâj çıqarıldı, çünki olar kerekli kriteriyge — böyle yerlerde aynı vaqıtta 50den ziyade insannıñ bulunmasına — uymay. Söz, «Naş parus» (Qaçı) plâjı ve «Gorizont» sport-sağlıqlandıruv lagerlerine ait plâj aqqında yürsetile.
Hatırlatamız ki, evel Profi.Travel Rusiye neşiri, işğalli Qırım turizm nazirligine atıf etip, bildirgen edi ki, oraq ayında Qırım otellerindeki ayırtılğan odalarnıñ sayısı, keçken senenen qıyaslanğanda, 72%ge azdı. Arman ayında, 2025 senesi ile qıyaslanğanda, ayırılğan odalarnıñ 68%-ine azdır.
Lâğu etüvlerniñ esas sebepleri logistika meseleleri oldı: Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ava limanınıñ qapalı olması, trenlerniñ sayısınıñ azlaşması, elektrikteki bozuvlar ve yaqıt qıtlığı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
