Küz başında işğal etilgen Qırım yapma göllerindeki suv seviyesi tez şekilde tüşmege başladı.
Radio Svobodanıñ «Qırım.Aqiqay» leyhası, anonim şeklinde jurnalistlernen laf etken bir Qırım yerşınas-ekskursiyacılarından birine atıf etip, bu aqqında malümat berdi.
Onıñ malümatına köre, Qırımda yapma gölleriniñ çoqusınıñ suv seviyesi ciddiy derecede tüşne, pek çoq özen ise küzni tamamen quruğan alda qarşıladı.
«Bu seneniñ birinci yarısından farqlı olaraq, oraq ve arman aylarında Qırımda esasen quru ava şaraiti oldı, bu ise dağ menbalarındaki suv aqımlarınıñ azlaşmasınıñ sebebi oldı. Bu sebepten Qırım özenleri saylaşa, çoqusı ise umumen qurudı, meselâ, Qırım ölçüsüne köre kiçik olmağan Burulça özeni. Buña köre, olarnı şekillendirgen özenlerden yapma gölleri daa az beslene. Aynı zamanda, yapma göllerinden suvnıñ boşatılması arttı. Meselâ, arman ayında Qırımnıñ Cenübiy-Şarqı ihtiyacları içün Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) yapma gölünden suv boşatılışı tikelendi, bu yapma gölü ise şimdi öz miqdarını tez şekilde ğayıp ete», — dep bildirdi yerlşınas.
Hatırlatamız ki, evel resurs bildirgen edi ki, yazda yapma gölleri toldurıldı, amma bu, işğal etilgen Qırımda merkezleştirilgen suv teminatındaki bozmalar ve suv qullanması azlaşqanı sebebinden degil.
İşğalli «Sputnik Krıma» radiosınıñ canlı yayınında añlatqanına köre, Vernadskıy adına QFUniñ «Biohimik tehnologiyalar, ekologiya ve farmatsiya instituti»nıñ suv qullanımı himik tehnologiyaları kafedrasınıñ müdiri İllâ Nikolenko, altı ay müddetinde Qırım yapma göllerindeki suv seviyesi 100 million kub metrge arttı, keçken sene aynı devir içinde ise — sadece 14 million kub metrge.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
