Ukrayina Mudafaa Quvetleri, işğal etilgen Qırımnıñ Ğvardiyske meskün yerindeki dron saqlav yerine ve Mırne meskün yerindeki duşman alâqa qavuşağına zarar ketirdi.
USQniñ Baş Ştabı bunı bildirdi.
Bundan ğayrı, işğal etilgen Donetsk şeerindeki ve Donetsk vilâyetindeki, Zaporijjâ vilâyetiniñ Poloğı köyündeki (anda işğalcilerniñ idare-nezaret noqtasına zarar ketirildi) Rusiye ordusı obyektlerine urdılar.
Duşmannıñ Luğansk vilâyetiniñ Verhnökamyanka köyündeki arbiy tehnika toplanğan rayonına urdılar.
Hatırlatamız ki, arman ayınıñ 31-nci aqşamı ve ilk küz ayınıñ 1-ne keçer gecesi işğal etilgen Qırımda patlavlar eşitildi. Rusiye Mudafaa nazirligi yarımada, diger VİET ve Rusiye bölgeleri üzerinde 516 dronnıñ urıp tüşürilgeni aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
