«Bağçasaray şeer şurasınıñ üçünci çağıruvı»nıñ işğalli mebusı duşamnnen işbirlik içün 8 yılğa ğıyabiy şekilde mahküm etildi, mülkü de musadere etilecek.
Ukrayina havfsızlıq hızmetiniñ Qırımdaki baş idaresi bunı bildirdi.
«Taqiqatnıñ malümatına köre, 2024 senesi qabaatlanğan şahıs öz razılığınen qanunsız akimiyet organına saylanğan edi. Bu vazifede cinayetçi işğalli akimiyetniñ çalışmasına ve yarımadada istilâcı devletniñ qararlarınıñ amelge keçirilmesine yardım ete», — dep qayd etildi haberde.
Suspilne Qırımnıñ menbasınıñ bildirgenine köre, söz Vadım Ğrığoryev aqqında kete.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları («ğıyabiy ükümler») neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
